అమ్మ

• ప్రేగు బంధము నుండి మొదలయి ,ప్రాణ సమానురాలయి సృష్టికే ప్రతిసృష్టి చేసేదే "అమ్మ "
•  పరిమళించు తరుణములో శిశువు ఆలపించే తొలి గీతమే  "అమ్మ "
•  లోకపు సరిహద్దులు ఎరుగని ప్రాయములో తన ఒడిలో ప్రపంచాన్ని ఆవిష్కరించేదే  "అమ్మ"
•  పసితనపు అజ్ఞాన తిమిరములను జ్ఞాన రేఖతో పారద్రోలి పసిడి కాంతులను విరజిమ్మేల మలిచే తొలి శిక్షకురాలు "అమ్మ "
•  ఊహల లోకపు దొంతరుల నుండి వాస్తవ లోకంలోకి అడుగిడినపుడు తారసపడే ఆత్మీయ నేస్తం  "అమ్మ "
•  భానుడి కిరణాలు సోకి హిమము కరుగునట్లు తన చల్లని ఓదార్పుతో బాధాతప్త మనసుకి ఊరట కలిగించేదే  "అమ్మ" 
•  ఆటుపోటులను ఇముడ్చుకున్న సంద్రంలా కష్టనష్టములు ఓర్చి ఉన్నతులుగా తీర్చిదిద్దేదే  "అమ్మ "
•  తరాలు మారిన ,యుగాలు గడిచిన ఎప్పటికి వాడని సుగంధ పరిమళమే  "అమ్మ" .